Dukuria e Gjakmarrjes ka qenë tematika e trajtuar nga të rinjtë e universitetit të Arteve në festivalin Adritiko- Jonian të Tetarit e trajtuar në tre hapësira, film, poezi dhe art skenik. A mund të flitet për këtë traditë zakonore që duhet të harrohet pa e parë nga afër? Për regjisorin e filmit të shkurtër “21001” ditë, jo!
ENDI HOXHA
REGJISOR
“Në qendër të dramës është e pafajshmja; një 14-vjeçar, i cili pa asnjë lloj arsye, ndodhet në atë mes sepse babai vendos të arrijë disa veprime në bazë të gjakmarrjes.”
Në këto tre gjini, nuk është folur vetëm për këtë fenomen që ende sot mban të izoluar të rinj, por edhe për trashëgiminë tonë kulturore materiale e jomateriale.
ALERT CELOALIAJ
ORGANIZATOR
“Vendosja përballë tregon që ne jemi për të ruajtur identitetin, për të luftuar të gjithë ato gjëra që në njëfarë mënyre kthejnë këtë popullatë, këta fëmijë, të jetojnë në një skllavëeri të qindra viteve me parë.”
Pandemia detyroi që këto prodhime të ishin vetëm online. Megjithatë duket se veprat “tinguj dhe Vargje”, “Pranga Gjaku” dhe “21001” ditë arritën të shkonin tek publiku.
PJETER GURALUMI
DREJTUES ARTISTIK
“Është duke u ndjekur nga një sasi e pabesueshme njerëzish. Vetëm në një javë që është postuar ka mbi 6 mijë vizualizimi, duke qenë produkti më i shikuar nga ana e publikut.”
Ky festival, i cili u zhvillua për herë të parë bëri bashkë Shqipërinë, Italinë dhe Malin e Zi, duke shpresuar që në një moment më të shpejtë këto prodhime do të shfaqen me publikun afër.
