Aktori i famshëm, George Clooney dhe bashkëshortja e tij Amal, shumë shpejt do të bëhen prindër binjakësh. Meqënëse familja e tyre po shtohet, ata kanë menduar të zgjerojnë shtëpinë e tyre në Berkshire.
Punimet që do të zhvillohen, për renovimin e shtëpisë së tyre të re, me gjasë do t’i shqetësojnë fqinjët e tyre.
Mirëpo Clooney dhe Amal kanë menduar edhe për ata, duke iu dhuruar një shumë prej 45 mijë paund si dëmshpërblim për shqetësimin që u krijohet nga punimet e shtëpisë.
Çifti John Grove, 58 vjeç dhe bashkëshortja e tij 49-vjeçare do të shijojnë pushime të gjata prej gjashtë javësh, në një prej hoteleve më luksozë në Korfuz, si dhe 30 mijë paund para të thata, ndërsa vlera e pushimeve luksoze shkon në 15 mijë paund.
