Këshilli i Lartë Gjyqësor pritet që të bëhë verifikimin ligjor për tre kandidatë për anëtarë të Gjykatës së Lartë.
Përmes një deklarate për mediat KLGJ bën me dije se verifikimi do të nisë për kandidatët Ilir Panda, Ervin Pupe dhe Sokol Sadushi.
“Shqyrtimi i projektvendimeve të përgatitura nga Komisioni i Zhvillimit të Karrierës:
1- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ervin Pupe”, relatore Marçela Shehu;
2- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ilir Panda”, relator Alban Toro;
3-“Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Sokol Sadushi”, relator Dritan Hallunaj.”
