Aksioni i Policisë së Tiranës ka vënë në pranga një 27-vjeçar këtë të martë. I riu me inicialet E. M. u arrestua pasi ka tentuar të vjedhë një banesë në rrugën “Siri Kodra”.
Policia bëri me dije se duke u përpjekur të largohet, 27-vjeçari ka goditur pronarin e shtëpisë duke i shkaktuar dëmtime të lehta. Plani i tij për grabitjen dështoi sepse u denoncua nga qytetarët.
I riu ka qenë i dënuar edhe më herët për veprën penale “Vjedhja me dhunë” në Itali. Uniformat blu dyshojnë se ai mund të ketë gisht edhe në vjedhje të tjera të ndodhura më herët në Tiranë dhe prandaj po vijojnë hetimet për të zbuluar edhe bashkëpunëtorët, nëse ka.
