Një 60 vjeçar ka humbur jetën pasditen e kësaj të mërkure në një aksident të ndodhur në aksin rrugor Tiranë- Durrës.
Ngjarja ka ndodhur në vendin e quajtur “Marikaj” ku një këmbësor ende i paidentifikuar rreth 60 vjeç ka kaluar nga njëra anë e autostradës në tjetrën dhe për pasojë është goditur për vdekje nga fugoni tip “Benz” me drejtues shtetasin F. V, i pajisur me leje drejtimi dhe certifikatë të aftësisë profesionale.
Ndërkohë drejtuesi i fugonit tip “Benz” shtetasi F. V, është shoqëruar në komisariat për veprime të mëtejshme hetimore.
