E diel, 22 Nëntor 2026 Film TV deri në 23:00 Në vijim ora 23:00: Lajmet e Fundit dhe Moti Reklamo Kontakt Karriera
Vizion Plus
Sociale

Ambasadori i ri i SHBA, Eric Wendt takim me kryeministrin Rama

Ambasadori i ri i Shteteve të Bashkuara në Shqipëri, Eric Wendt, ka zhvilluar takimin e parë me kryeministrin Edi Rama, pak ditë pasi paraqiti letrat kredenciale te Presidenti Bajram Begaj.

Takimi u zhvillua në kuadër të nisjes së detyrës së diplomatit amerikan në Tiranë.

Përmes një postimi në rrjetet sociale, kryeministri Rama e shoqëroi takimin me mesazhin: “WELCOME 🇦🇱🦅🇺🇸”, duke e cilësuar atë si “Takimi i mirëseardhjes së Ambasadorit të ri amerikan në Tiranë, Eric Wendt”.

Eric Wendt është një ushtarak në pension, i cili ka shërbyer për rreth 34 vite në ushtrinë amerikane, pjesën më të madhe të karrierës në Forcat Speciale.

Reklamë

Gjatë fjalës së tij në Senatin amerikan, përpara konfirmimit në detyrën e ambasadorit, Wendt renditi disa nga prioritetet e mandatit të tij në Shqipëri. Mes tyre janë mbështetja e vendit në luftën kundër korrupsionit dhe krimit të organizuar ndërkombëtar, forcimi i bashkëpunimit në fushën e mbrojtjes, promovimi i diplomacisë ekonomike dhe mbrojtja e interesave amerikane në Shqipëri.

/vizionplus.tv

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.