Vetëm gjatë dy ditëve të fundit ne vendin tone kane hyrë nëpërmjet aeroportit të Rinasit 13 mijë shqiptarë dhe qytetarë të huaj. Për te përballuar ngarkesën, policia ka angazhuar ne ketë pike 9 sportele në hyrje dhe 8 në dalje. Vëmendje e veçantë i është kushtuar dhe bllokimit të personave që kanë për qëllim kërkimin e azilit në Francë e në vende të tjera të Bashkimit Europian.
Policia kufitare ka kthyer mbrapsht 39 persona qe donin të udhëtojnë drejt vendeve të BE-se. Gjithashtu gjatë këtyre ditëve janë arrestuar 6 persona të shpallur ne kërkim, si dhe janë proceduar penalisht në gjendje të lirë 4 të tjerë, për falsifikim te pasaportave.
