Presidenti i Ukrainës, Volodymyr Zelensky ka dhënë një deklaratë të fortë e prekëse sot në seancën e jashtëzakonshme në Parlamentin Europian.
Me lot në sy Zelensky tha se vetem dje jane vrarë 16 fëmijë ndërsa u shpreh se ata do ja dalin të fitojnë ndaj vdekjes dhe errësirës.
” Kjo është një tragjedi për çdo ukrainas dhe Ukrainën. Ne po përballemi me një realitet tjetër, me njerëz të vdekur çdo ditë. Ne po luftojmë për jetën, për lirinë, për sovranitetin tonë. Ukrainasit janë të jashtëzakonshëm! Jam i lumtur dhe dua të falenderojë të gjithë që jo vetëm po e shihni se çfarë po ndodh, por edhe po flisni për këtë gjë, Europa zgjodhi Ukrainën. Ky mëngjes ishte shumë tragjik për ne, ka qenë një qytet shumë i qetë, ka pasur numrin më të madh të universiteteve në të gjithë vendin tonë. Njerëzit mblidheshin shpesh për të festuar, ka një nga sheshet më të mëdha në shtetin tonë. Ai quhet sheshi i lirisë. Sot rusët sulmuan sheshin e lirisë! Ne po luftojmë për tokën tonë. Qytetarët tanë janë të bllokuar. Askush nuk do të na thyejë, jemi të fortë, jemi ukrainas! Ne kemi dëshirë të shohim fëmijët tanë në jetë. Dje 16 fëmijë janë vrarë. Çfarë ushtrie është kjo që vret 16 fëmijë? Të dashur, njerëzit tanë janë shumë të motivuar, por shumë të motivuar për lirinë dhe jetën tonë dhe tani po luftojmë për mbijetesë. Kështu që motivimi ynë është shumë i madh. Duam të jemi të barabartë në Europë. Sot ne do t’i tregojmë të gjithë se kush jemi! BE do të jetë më e fortë tani me ne. Ne kemi provuar fuqinë tonë, jemi njësoj siç jeni dhe ju. Ne jemi evropian të vërtetë, ne do të fitojmë ndaj vdekjes dhe errësirës, Lavdi Ukrainës”, tha ai.
