Pedri González ishte një tjetër nga lojtarët që pati një ndikim të fortë ndaj Bayernit. Kur Barça ishte në gjendjen më të keqe, duke vuajtur kundër bavarezëve pas barazimit 1-1, Pedri kaloi në epërsi dhe solli qetësinë që i ka munguar aq shpesh ekipit katalanas. Duke lënë pas dëmtimet, Kanariani ka festuar fitoren e katalanasve dhe formën e tij të mirë.
“Ishte një rival që nuk e kishim mundur për një kohë të gjatë dhe ndaj të cilit kishim pësuar disfata të vështira. Si tifoz i Barçës, të bën të ndihesh krenar dhe e vërteta është se ne donim t’ia kthenim. Çfarë më mirë se këtu me tifozët tanë, të cilët e meritojnë më së shumti”, tha ylli i katalanasve.
“Ne e dimë që kemi shumë potencial në skuadër dhe donim ta tregonim”, tha ai.
Ai përfundoi duke folur për përmirësimin e tij fizik dhe theksoi se është në një moment shumë të mirë të karrierës së tij.
“Jam në një nga momentet e mia më të mira, ka kohë që nuk kam qenë kështu fizikisht dhe tani po arrij të kam këtë rregullsi kam gjetur diçka që po më shkon shumë mirë dhe e vërteta është se po kënaqem duke luajtur për Barçën, që ishte ëndrra ime e fëmijërisë”, tha Pedri. /vizionplus.tv
