Fishekzjarret, policia kryen kontrolle nëpër tregje

Mania e hedhjes së mijëra fishekzjarrëve në rrugë e sheshe ore e pa orë ka rënë, por nuk është ndaluar  plotësisht

Policia e Tiranës, bashkë me shërbimet e Drejtorisë së Shërbimit Zjarrfikës, po bëjnë kontrolle  në dyqanet që sheshin fishekzjarret, për të parë kushtet dhe kriteret e magazinimit dhe tregtimit të tyre.

Kontrollet më të shpeshta u bënë në tregun Çam. Policët kanë bërë verifikimin e dokumentacionit dhe licencave nga subjektet dhe tregtarët dhe nuk gjetën problem.

Por drejtuesit e policisë, thonë se do t’i vijojnë kontrollet për të bërë goditur çdo rast abuziv që mund të sjellë ngjarje me pasojë të rënda për qytetarët në këtë prag festash.