Operacioni i policisë së shtetit në Shkodër, ku u ndaluan 7 persona me akuzën e shfrytëzimit të prostitucionit, është vlerësuar nga ministri i brendshëm Fatmir Xhafaj. Përmes një reagimi në Twitter, ministri shkruan se ky ishte një tjetër ndëshkim në kuadrin e operacionit “forca e ligjit”.
“Një nga 3 grupet kriminale të identifikuara në qarkun Shkodër. Përkushtim dhe profesionalizëm, sukses i merituar i policisë se Shkodrës dhe forcave operacionale”, shkruan Xhafaj.
Ministri i brendshëm vlerëson edhe bashkëpunimin sipas tij efikas me prokuroren e çështjes.
