Erion Kame sjell “Një jetë me ty”

Pas suksesit të “Tartufit” Erion Kame vjen ne Teatrin Kombëtar me një tjetër vepër. Edhe pse është sërish një komedi, këtë herë shfaqja “Një jetë me ty” është tërësisht një prodhim i tij. E financuar nga Ministria e Kulturës si pjesë e një projekti fitues në Teatrin e Durrësit “Aleksandër Moisiu” në Durrës, kjo vepër vjen si premierë në Teatrin Kombëtar. Ka zgjedhur që në rolet kryesore të vendosë dy aktorë që janë çift edhe në jetën reale. Kjo shfaqje do të rrugëtojë pas premierës në kryeqytet, edhe në Durrës e rrethe të tjera, për ta përmbyllur shëtitjen artistike sërish në Tiranë, në shtator.