Agjencia e Mbikëqyrjes Policore ka vënë në pranga katër punonjës policie, që lejonin futjen e mallrave kontrabandë në Portin e Durrësit.
Alketa Kollçaku, Denis Musaj, Egnis Gojani dhe Adelino Vila në bashkëpunim me njëri tjetrit regjistronin të dhëna të rreme në sistem, në mënyrë që automjetet me mallra të kontrabanduara të mos evidentoheshin.
“E. Gj., 35 vjeç, A. K., 52 vjeçe dhe D. M., 41 vjeç, të tre me detyrë inspektorë mbikëqyrës në kompaninë private që merret me përpunimin e mallrave dhe të kontenierëve në portin e Durrësit, si dhe shtetasi A. V., 27 vjeç, me detyrë ndihmësspecialist kontrollor në Policinë Kufitare të portit të Durrësit”, njofton policia.
Po ashtu është shpallur në kërkim një 56-vjeçar që falsifikoi plumbçet e kontenierit të kamionit që drejtonte, duke kaluar mallra të kontrabanduara.
Ata akuzohen për veprat penale “Shpërdorimi i detyrës” dhe “Falsifikimi kompjuterik”, të kryera në bashkëpunim.
