Ministria e Mbrojtjes, përmes Emergjencave Civile u ka dërguar një letër të hapur bashkive në 6 prefektura të vendit.
Letra i është derguar bashkive Shkodër, Kukës, Pukë, Dibër, Korçë dhe Gjirokastër pasi janë prefekturat më të prekura nga moti i keq.
Në lëtrën e drejtuar e cila mban firmën e drejtorit të Emergjenvce Haki Çako, thuhet se bashkitë kanë menaxhuar keq situatën pasi moti I keq nxori në pah të gjithë problematikën .
Çako u ka kërkuar bashkive që të dërgojnë listën e plotë të kompanive të kontraktuara nga ata për mirëmbajtjen e akseve rrugore me qëllim që të verifikohen të gjitha kontratat e nësnhkruara nga bashkitë si dhe fondet e vendosura në dispozicion të emergjencave.
Letra e Ministrisë së Mbrojtjës ka ardhur pas shqetësimeve dhe problemeve të ndeshura në disa bashki ku nuk është ndërhyrë për mirëmbajtjen e rrugëve rurale.
