Kamer Idrizi, 43 vjeç,me origjinë nga Shqipëria është ekzekutuar me breshëri kallashnikovi. Ngjarja e rëndë u shënua mbrëmjen e së mërkurës në Shkup.
Idrizi, i cili njihej si një “person problematik” nga policia, po udhëtonte me automjetin e llojit “Golf 7”, së bashku me të riun 22 vjeç, me inicialet E.I., në momentin që persona të maskuar i bënë pritë dhe e qëlluan me mbi 80 plumba kallashnikovi.
43 vjeçari humbi jetën rrugës në spital, ndërsa 6 plumba kanë kapur mikun e tij. Ky i fundit ndodhet në spital, në gjendje të rëndë.
Në vitin 2019, Idrizit iu bë atentat po në Shkup, në ambientet e një hoteli të njohur, por atëherë ai mundi të jetonte.
