Ekzekutimi i rapsodit dhe shokut të tij/ Policia zbardh ngjarjen dhe kap autorin e dyshuar
Policia dhe Prokuroria e Lezhës zbardhin vrasjen e dy personave një ditë më parë në pyllin e fshatit Lalm Lukaj, duke arrestuar autorin kryesor të dyshuar të ngjarjes.
Aleksander Përdodaj , 40 vjeç, banues në Lalm, Lezhë, person me precedent kriminal në fushën e krimeve ndaj personit u prangos nga uniformat blu si autori I dyshuar kryesor për ekzekutimin e shtetasve Prenge Simoni dhe Kol Murrani.
Policia dhe prokuroria bënë të ditur se arrestimi i 40 vjecarit është bërë bazuar në prova të arsyeshme.
Ndërkohë në kërkim është shpallur edhe vëllai i autorit të dyshuar, shtetasi E. P., i cili dyshohet se ka ndihmuar të vëllanë për fshehjen e provave.
Nga tërësia e veprimeve dyshohet se ky shtetas i ka qëlluar viktimat me armë për arsye pronësie, pasi pretendon se pjesa ku ka ndodhur krimi është pronë e tij.
