Pasi siguroi kualifikimin në çerekfinale të Kupës Skënderbeu tashmë do të kërkojë marrjen e një rezultati pozitiv në kampionat. Bardhekuqtë luajnë një transfertë të vështirë ndaj Tiranës dhe duket se barazimi me Bylisin ka lënë shije të hidhur tek ta.
Për Nazmi Gripshin një nga protagonistët e Skënderbeut në këtë sezon ndeshja e së shtunës është e një vështirësie të lartë, por do të bëjnë maksimumin për të mos dalë pa pikë nga kryeqyteti.
Kjo sipas tij do të riste pozicionin e korçarëve në renditje.Skënderbeu do të luajë të shtunën në kryeqytet në stadiumin kombëtar ndeshjen e javës së 22-të të kampionatit përballë Tiranës.
Korçarët shkojnë në këtë takim në vendin e tetë në kampionat me 28 pikë të grumbulluara ndërsa Tirana ndodhet në vendin e dytë me 40 pikë vetëm një pikë më pak se kryesuesit e Kukësit që mbajnë vendin e parë.
