Klajdi Gjeçi, i cili u arrestua këtë të enjte për trafik të lëndëve narkotike, shkatërrim të pronës me eksploziv dhe armëmbajtje pa leje, është një emër i njohur për drejtësinë. 33-vjeçari njihet edhe si miku i Emiljano Shullazit.
Ai u arrestua në janar të vitit 2018, pasi akuzohej si autori i vendosjes së tritolit në automjetin e një biznesmeni në Tiranë.
Në vitin 2015, Gjeçi u arrestua për plagosje të rëndë me dashje, por ai u lirua pasi personi i dëmtuar Enton Nushaj tërhoqi padinë. Gjithashtu, dyshohet se po atë vit ai u mor peng nga tre persona.
Ndërkohë, në 2012 u procedua për armëmbajtje pa leje.
