Shtetet anëtare të BE-së kanë përfunduar me sukses sot fazën e fundit të procedures për të akorduar për shtetasit gjeorgjianë liberalizimin e vizave për udhëtimet afatshkurtër në Bashkimin Evropian.
Pas dhënies përfundimtare të dritës jeshile, gjeorgjianët që posedojnë një pasaportë biometrike nuk do të kenë më nevojë për marrjen e vizave për një qëndrim maksimal 90-ditor në Bashkimin Evropian, përveç se në Irlandë dhe në Britaninë e Madhe.
Masa është gjithashtu e vlefshme për shtete si Islanda, Lihtenshtejni, Norvegjia dhe Zvicra (anëtarë të hapësirës Schengen) dhe pritet të hyjë ne zbatim 20 ditës pas publikimit të ardhshëm në Fletoren zyrtare të BE.
Shtetet evropiane kishin shprehur tashmë dakordësinë e tyre për heqjen e vizave për Gjeorgjinë, por i kishin vënë si kusht miratimin e një klauzole e përshkruar nga disa si « frenim emergjent » që mundëson pezullimin e shpejtë të heqjes së vizave në përgjithësi.
Ky mekanizëm i ri, që ka të bëjë me miratimin përfundimtar ditën e sotme nga ana e shteteve evropiane synon për t’iu përgjigjur shqetësimit të disa vendeve përballë perspektivës të një fluksi migrator me origjinë nga vende që gëzojnë te drejtën e përjashtimit nga sistemi i vizave.
