Do të festonte 30-vjetorin në prill, ky është i riu shqiptar që u vra për një rumune në Itali

Ky është 29-vjeçari shqiptar Gjergj Përgegaj, i cili u vra me armë zjarri në Arezzo nga një bashkëkombas për motive xhelozie.

Sipas mediave italiane, ai u qëllua nga partneri aktual i ish-të dashurës së tij, një 35-vjeçar, i cili e gjeti duke biseduar me të renë, me origjinë rumune, pasi kishte përfunduar turnin e punës si kamerier.

Lexo edhe :

Related Posts

DETAJE/ 30-vjeçari shqiptar po bisedonte me ish të dashurën, u vra nga partneri i saj! Plumbi në fyt fatal

EMRI/ 35-vjeçari shqiptar pranon krimin, vrau Gjergj Pergegajn për një vajzë rumune. Arma ishte vjedhur një vit më parë

Gjergji më 19 prill do të festonte ditëlindjen e tij të 30-të.

Ngjarja ndodhi mbrëmjen e djeshme, kur autori, pasi i pa bashkë, humbi kontrollin dhe nxori armën duke qëlluar tre herë në drejtim të viktimës. Një nga plumbat e goditi Gjergj Përgegaj në fyt, duke i shkaktuar vdekjen e menjëhershme, ndërsa shërbimet e emergjencës nuk mundën të bënin asgjë për ta shpëtuar.

Pas krimit, autori u largua nga vendngjarja, por u arrestua disa orë më vonë nga policia pa bërë rezistencë. Trupi i 29-vjeçarit u dërgua në morgun e spitalit San Donato Hospital, ndërsa hetimet vijojnë për të zbardhur plotësisht rrethanat e kësaj vrasjeje me motive pasionale./vizionplus.tv