“Demokracia e Re” fitoi zgjedhjety ne Greqi dhe lideri i saj Kyriakos Mitsotakis, në deklaratat e tij të para pas fitores foli për punë të palodhur dhe përshpejtim të reformave pa qëndrime arrogante.
Ai theksoi se populli grek i dha një mandat të fortë Demokracisë së Re, duke shtuar se rezultatet e dy garave zgjedhore brenda pak javësh nënkuptojnë fundin e toksicitetit dhe fillimin e epokës së stabilitetit.
Më pas zoti Mitsotakis sqaroi se besimi i treguar nga qytetarët do të thotë se ka një borxh më të rëndë për t’i shërbyer vetë Atdheut.
“Unë do t’i qëndroj besnik detyrës time kombëtare dhe punës së palodhur, nuk do të toleroj sjellje arrogante”, tha ai.
Duke folur për ushtrimin e qeverisjes, z. Mitsotakis tha se partia e tij ka siguruar një shumicë të fortë me të cilën ajo do të mund të vazhdojë menjëherë me reformat e nevojshme.
“Kur hodha hapat e para 20 vite më parë, nuk e kisha imagjinuar kurrë që sot do të isha përballë jush duke pasur nderin dhe përgjegjësinë të zgjidhem kryeministër i pavarur për herë të dytë. Mundohem të mësoj nga gabimet e mia dhe nuk do të kisha mundur ta bëja pa partnerët e mi. Faleminderit familjes sime që më ka mbajtur gjithmonë në tokë. Sot do ta shijojmë për pak fitoren tonë, por që nesër në mëngjes do të përveshim përsëri mëngët për të ndërtuar së bashku një Greqi të fortë me më shumë prosperitet dhe drejtësi”, tha ai./ protothema.gr/
Rezultatet sipas Ministrisë së Brendshme
Demokracia e Re: 40.45 %
SYRIZA: 17.83
PASOK/KINAL: 12.13
KKE: 7.55
Rezultatet sipas deputeteve ne parlament:
Demokracia e Re 158
SYRIZA 47
PASOK 32
KKE 20
