Pas sanksioneve të Britanisë së Madhe ndaj 19 diplomatëve rus, edhe disa vende të Bashkimit Europian kanë vendosur dëbimin e diplomatëve, pas helmimit me agjent nervor të një ish-spiuni rus dhe vajzës së tij në Britani.
Shtetet anëtare të BE-së po ashtu kanë konsideruar mundësinë e hakmarrjes, në përgjigje të thirrjes për bashkim të kryeministres britanike, Theresa May.
Franca, Polonia, Estonia dhe Lituania, kanë rënë dakord në ndërtimin e një marrëveshjeje për largimin e zyrtarëve rus. Lajmi është bërë i ditur nga vetë kryeministrja britanike, May gjatë një darke me liderët e vendeve të Bashkimi Europian në Bruksel.
Britania e Madhe akuzon Kremlinin si përgjegjës kryesor për sulmin e ish-spiunit Sergei Skripal, i cili vazhdon luftën për jetën.
Edhe kryeministri çek Andrej Babis, është shprehur se dhe vendi i tij mund tu bashkohet vendeve që dëbojnë diplomatët rus. Megjithatë ai tha se do të ketë një vendim zyrtar të hënën.
Mbretëria e Bashkuar lajmëroi dëbimin e 19 diplomatëve rus disa ditë më parë, pas sulmit ndaj ish-spiunit rus, një sulm për të cilin kryeministrja britanike, Theresa May fajëson presidentin Putin.
Rusia, e cila e mohon kategorikisht helmimin e ish-spiunit, gjithashtu mori vendimin për dëbimin e 23 diplomatëve rus nga Moska, në përgjigje të vendimit të kryeministres britanike.
