Kryeministri i Kosovës, Albin Kurti është takuar me përfaqësuesin e lartë të Bashkimit Evropian, Josep Borrell në forumin e paqes në Paris.

 

Përmes një postimi në rrjetet sociale twitter, zyrtari i lartë i Brukselit ka sqaruar se me kreun e qeverisë së Kosovës diskutuan bashkëpunimin rajonal, luftën kundër korrupsionit si dhe nevojën për  një progres të dukshëm në dialogun Prishtinë-Beograd.

 

“Ne folëm  për integrimin evropian, diskutuam për takimin e radhës të këshillit për punë të jashtme për ballkanin perëndimor si dhe angazhimin e rëndësishëm bilateral”.- shkruan Borrell në postimin e tij.

 

Më 16 nëntor, dy delegacionet e Kosovës dhe Serbisë do të takohen në Bruksel për të vazhduar dialogun në nivelin teknik.

Leave a Reply

Your email address will not be published. Required fields are marked *