Bordi i Transparencës ka publikuar çmimet e reja të shitjes së hidrokarbureve të cilat hyjnë në fuqi mbrëmjen e sotme në orën 20:00.
Me vendimin e sotëm çmimi i naftës me pakicë do të jetë jo më shumë se 224 lekë për litër. Një mbledhje më parë Bordi i Transparencës kishte vendosur që një litër naftë me pakicë në Shqipëri të shitej jo më shumë se 218 lekë për litër.
Lexo edhe :
Related Posts
Por kujtojmë që sot hyri në fuqi akti normativ i qeverisë i cili ul me 20% akcizën sa herë që naftë do të kapërcejë çmimin mbi 220 lekë për litër.
Njoftimi i Bordit:
Bordi i Transparencës në datë 3 Prill 2026, në mbledhjen e radhës vendosi:
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër. Kjo në zbatim të Aktit Normativ të miratuar sot, niveli i akcizës u ul 20 % ose e bashkë me TVSH ulja me 9.5 lek/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 181 lekë/litri,ndërsa i shitjes me shumicë jo më shumë se 169 lekë/litër.
🗓Çmimet e caktuara nga Bordi do të hynë në fuqi sot datë 3 ora 20.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
🛢 Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.
