Policia ka vijuar operacionin “Trajektorja” edhe këtë të hënë. Uniformat blu vunë në pranga një 26-vjeçar që kishte blerë katër byzylykë floriri të vjedhur nga Astrit Thaci, i arrestuar të dielën. Ai akuzohet për “Përvetësim të parave ose mallrave që rrjedhin nga vepra penale ose veprimtari kriminale” dhe “Fshehje të të ardhurave”.
Gjatë operacionit “Trajektorja” u arrestua të dielën Astrit Thaçi, që akuzohet për tetë grabitje të ndodhura në Tiranë, Durrës dhe Elbasan. Po ashtu u prangos edhe bashkëpunëtorja e tij që e ndihmonte Thaçin të mos kapej nga policia.