Berat, rrëzohet mikrobusi me nxënës
Aksidentohen 9 nxënës rrugës duke shkuar ne shkolle. Ngjarja e rende ka ndodhur mëngjesin e kësaj te hëne ne aksin Berat –Skrapar. Mikrobusi ku po udhëtonin fëmijët nga fshatrat Buzuk dhe Orizaj drejt shkolle se Çorovodës ka dale nga rruga dhe është përmbysur ne afërsi te fshatit Verzhezhe. Per pasoje 9 nxënës te moshës 14 deri 18 vjeç mbeten te plagosur. Nxënësja ne gjendje me te rende, 16 vjecarja Romina Kapllani është sjelle me helikopter ne Spitalin e Traumës.
Pas mbërritjes ne spital mjeket konstatuan fraktura ne njërën këmbe dhe probleme me mushkëritë. 16 vjecarja iu nënshtrua nje ndërhyrje kirurgjikale, ndërsa ndodhet jashtë rrezikut per jetën.
Ndërsa 8 nxënësit e tjere po trajtohen ne spitalin e Çorovodës dhe ate te Beratit. Ata kane lëndime te lehta dhe janë jashtë rrezikut per jeten. Ndërkohe pas hetimeve te policisë rezultoi se aksidenti ka ndodhur per shkak te nje defekti ne sistemin e frenimit, çka ka sjelle edhe humbjen e kontrollit nga drejtuesi i mjetit. Shoferi është ndalur nga policia per te dhene sqarime rreth ngjarjes, por edhe informacione ne lidhje me gjendjen e mjetit.
