Bashkimi Evropian do financojë me 7 milionë euro një projekt të përbashkët me Organizatën Botërore të Shëndetësisë për të mbështetur vaksinimin e Ballkanit Perëndimor.
Në një njoftim në faqen zyrtare, Komisioni Evropian, sqaroi se projekti do të ndihmojë në administrimin e vaksinave të COVID-19 të marra nga programi COVAX.
Komisioneri për Zgjerimin, Oliver Varhelyi theksoi se me këtë projekt mbështetja e BE për vaksinimin në rajon shkon në 70 milionë euro.
