Nëpërmjet nje postimi ne rrjetet sociale ministri i brendshëm Saimir Tahiri shkruan se kreu i Partisë Demokratike është fotografuar me nje nga te dyshuarit si kreu i trafikut te drogës ne Durrës. Duke marre shkas nga një operacion i policisë, ku u sekuestruan 130 kg droge ne portin e Durrësit, Tahiri shkruan se meqë PD sot beri ritualin ditor te baltosje ndaj meje dhe policisë, me pretekstin e hashashit, po i përgjigjem me kete foto qe po bën xhiron e rrjeteve sociale. Ne foto shkruan ministri i brendshëm është Lulezim Basha me personin e shpallur ne kërkim per trafikimin e 130 kg droge, dje ne darke ne portin e Durrësit. Tahiri shkruan se nuk ka ndërmend te vijoje me akuzat, por i thotë kreut të Partisë Demokratike të turpërohet për balten e hedhur dhe të mbylli gojën. Menjëherë pas këtij postimi ka reaguar edhe Partia Demokratike, duke e konsideruar këtë postim një aludim të ministrit Tahiri, në vend që të kthejë një përgjigje për trafikantët që i shpëtojnë policisë apo kërcënimet që i adresohen kryeprokurorit në vend.
