Kërkesa e kryedemokratit Lulzim Basha për qeverinë është që të vërë menjëherë në zbatim planin ekonomik të propozuar nga opozita.
Pas një takimi që pati me bizneset dhe qytetarët në Elbasan, Basha tha për mediat se programi i opozitës do të ndalë rënien ekonomike.
Ai bëri thirrje për shqiptarët që të bashkohen për të ndryshuar qeveri sepse po shkatërrohet e ardhmja e të rinjve dhe ekonomia.
“Kjo paketë ka për qëllim të ndalë rrokullisjen e ekonomisë në kolaps total. Jam i gatshëm dhe kam një kërkesë që ky program të nisë të zbatohet një orë e më parë jo për qejfin tim, as për inatin e Edi Ramës por për të ndihmuar rreth 1 milion shqiptarë që po luftojnë për bukën e gojës. Ekonomia është arsyeja kryesore për largimin e të rinjve. Rruga ku jemi futur është pa krye, nuk na çon kurrkund, të bashkohemi për të ndryshuar menjëherë kurs. Sepse është shktatërruar ekonomia dhe e ardhmja e të rinjve.”
Gjithashtu, Lulzim Basha premtoi se kur PD të vijë në qeveri, krimi do të shkpëtutet nga pushteti.
Gjatë ditëve të fundit, lideri i opozitës ka nisur një tur takimesh me bizneset për t’u prezantuar programin ekonomik të PD dhe për të treguar pse ekonomia jonë ka nevojë për të.
