Bamir Topi jep dorëheqjen nga drejtimi i FRD
Bamir Topi ka dhënë dorëheqjen nga posti i kryetarit të partisë Fryma e Re Demokratike, parti të cilën e krijoi pas largimit nga posti i presidentit në vitin 2012.
Kjo dorëheqje, raporton Vizion Plus, vjen vetëm pak orë pas firmosjes së marrëveshjes së bashkëpunimit me partinë demokratike. Vetë Topi nuk u përfshi në negociatat me PD, negociata të cilat u udhëhoqën nga Sali Shehu, sekretar i përgjithshëm i FRD.
Mësohet se shehu do të drejtojë frymën e re demokratike deri në mbledhjen e forumeve për të zgjedhur kryetarin e ri.
Në fillimet e saj FRD mblodhi figura të njohura të partisë demokratike si ish-zëvendëskryeministri Gazmend Oketa, anëtarin e kryesisë së PD, Aleksandër Biberaj, të cilët tashmë janë rikthyer në PD.
Në 2013, një vit pas krijimit fryma e re demokratike mori rreth 30 mijë vota, ndërsa në vitin 2019 ajo mori vetëm 8360 vota.
