Do të jetë një fundjavë e ngjeshur kjo me aktivitete në Marina Orikum duke filluar nga eventi i ditës së nesërme në mbrëmje, i cili ka të bëj me promovimin e disa prej produkteve më të fundit të të teknologjisë së marinave, kryesisht ato që i përkasin yachte-ve luksoze.
E shoqëruar kjo me një Show Muzikor, ku do të performojnë disa prej grupeve më të mira të muzikës, me një program të larmishëm artistik duke krijuar një atmosferë fantastike në Marina Orikum.
Ndërkohë që siparin e aktiviteteve artistike të kësaj jave do ta mbyllë Festivali “MARE MEUM”, ku në mbrëmjen e së djelës në Marina Orikum, do të performojnë disa prej artistëve më të mirë të muzikës klasike shqiptare në Itali, të cilët janë pjesë të Orkestrës “La Scala” të Milanos.
“MARE MEUM” Festival i cili mbështetet nga Bashkia Vlorë dhe Instituti Italian i Kulturës, ka ndërtuar një partneritet shumë të mirë bashkëpunimi me Grupin Concord Investment, duke zgjedhur të bashkërrugëtojë në këtë inciativë të shkëlqyer artistike, me 4 koncerte klasike në qytetin e Vlorës.
Koncerti i parë do të zhvillohet në mbrëmjen e kësaj të premte, në Zvërnec teksa MARE MEUM Festival ka për Drejtor Artistik dhe Kurator të saj, Kompozitorin e mirënjohur Prof. Aulon Naçi.
Kështu pra Concord Investment, prezantohet si një Grup që investon jo vetëm në disa prej industrive më kryesorë të vendit duke krijuar modele të shkëlqyera biznesi, por nga ana tjetër promovon edhe vlerat që përcjellë arti nëpërmjet mbështetjes së eventeve të tilla në vendin tonë.
