Të paktën 16 persona kanë humbur jetën dhe 26 të tjerë kanë ngelur të plagosur në Bullgari pasi një autobus me turistë është aksidentuar.
Sipas Nikolay Gabrovski nga shërbimi emergjent në Sofje, bëhet me dije se pesë persona janë me lëndime të rënda, pasi një autobus u rrokullis teksa po udhëtonte në një autostradë më 25 gusht.
Policia tha se aksidenti ndodhi në qytetin Svoge, që gjendet 50 kilometra nga Sofja. Sipas Policisë, autobusi me turistë ishte përplasur me katër makina të tjera.
Autoritetet bullgare tha se në autobusin e aksidentuar po udhëtonin 33 pelegrinë të cilët ishin nisur që të vizitonin një manastir. Pas këtij aksidenti, Qeveria bullgare ka shpallur ditë zie kombëtare 27 gushtin.
