Atletiko Madrid leksion Realit në derbi, e mposht me goleadë

Atletiko Madrid ka mposhtur me goleadë realin në derbin e kryeqytetit. “Los Colchoneros” kanë fituar 5-2 përballë realit në “Wanda Metropolitan”.

Goli i Le Normand ndezi festën e Los Colchoneros, pas çerek ore lojë. Los Blancos përmbysën llogaritë, me golat e Mbappe dhe Guler. Në fund të fraksionit, Sorloth dërgoi shifrat në 2-2.

Në pjesën e dytë, Alvarez “rrëmbeu skenën’ me dopietë, në fund pati kohë edhe për Griezmann.

Ekipi i Simeones është në vendin e katërt, ndërsa Reali kryeson gjithsesi, pavarësisht kësaj humbje.