Atletiko e Madridit është finalisti i pare i Uefa Champions League per ketë sezon. Ne sfidën e dyte gjysmëfinale te ashtuquajturit el colchoneros pësuan humbjen me te ëmbël te sezonit 2-1 nga Bajern, por vazhduan me tej fale golit ne fushën kundërshtare. Përfundon per te tretin vit radhazi ne gjysmëfinale aventura e Bajernit dhe e Pep Guardioles dhe per me tepër gjithmonë i eliminuar nga spanjollet. Me një formacion logjik me Myller dhe Riberi qe nga minuta e pare dhe te gjithë lojtaret ne pozicionet e tyre natyrale, ritmi i bavarezeve ishte mjaft i larte qe ne fillim te takimit, duke detyruar kundërshtarin te mbyllej ne zonën e tij. Dhe pas disa rasteve te humbura ku me flagranti ishte ai i Levandovskit, gjermanet gjeten rrjetën ne minutën e 31 me një goditje dënimi te Xavi Alonso, topi u devijua nga Himenez. Ishte përsëri qendërmbrojtësi i Atletikos, protagonist tre minuta me vone duke shkaktuar penallti pas nje ndërhyrje te gabuar ne zone. Por nga pika e bardhe Tomas Muller humbi mundësinë e dyfishimit te shifrave. Si një komandant i vërtete, Simeone beri ndryshimin me te goditur me fillimin e pjesës se dyte, duke ndryshuar skemën nga 4-4-2 ne 4-3-3. Dhe ne minutën e 54 ne kundërsulm te shpejte pas nje shkëmbimi, Torres Grizman ishte francezi qe ktheu gjithçka ne baraspeshe. Pavarësisht golit te pësuar Bajerni gjithmonë ne sulm me Atletikon nen presion te vazhdueshëm. Dhe ne minutën e 74 pas nje pasimi te Vidal, vendasit kaluan përsëri ne avantazh me Levandovskin. Ne minutën e 84 gjyqtari turk akordoi një penallti te dyshimte per spanjollet, por Torres u hipnotizua nga portieri Nojer. Te urdhëruar nga trajneri i tyre madrilenet u ngjeshën ne prapavije, duke i rezistuar sulmeve te kundërshtarit per te arritur me pas objektivin per ne finale. Vazhdon mallkimi per teknikun Guardiola qe largohet me nje shije te keqe nga eksperienca gjermane. Bajerni ka tiki taka ne gjak, por përshëndetet nga champions pavarësisht 12 fitoreve radhazi ne shtëpi, ndërkohe Simeone me cholizmin e tij e çon Atletikon per here te dyte ne finalen e turneut prestigjioz ne harkun kohor te tre viteve.
