Atletika është një nga sportet e vetme qe i ka mbijetuar edhe pandemisë. Mesditën e kësaj të premte , u zhvillua dhe kampionati kombëtar i krosit i cili hapi dyert për shumë vajza e djem të rinj. Kampionati u nda në 4 raunde. Si fillim ishin grupmoshat e reja që përshkruan 6 km,më pas kategoria e vajzave të rritura me 8 km dhe djemtë e rritur me 10 km . Ilir Kellezi, atleti nga KORCA doli i pari në garën e të rriturve me 34 minuta e 37 sekonda.
ILIR KELLEZI
ATLETË
”Është një situatë shumë e vështirë dhe nuk kemi bërë aktivitet sportiv pothuajse fare. Për mua ky është aktiviteti i dytë . Jo më larg se para një jave isha në kampionatin botëror ku përfaqësova dhe Shqipërinë, ku arrita një rezultat shumë të kënaqshëm . Sot sfida ishte e vështirë megjithatë jam i kënaqur.”
Sa i përket kategorisë së femrave për 8 km , në vendin e parë doli Luiza Gega e cila tregoi dhe objektivat e saj.
LUIZA GEGA
ATLETE
”Motivimi ka qenë pak i vështirë duke qenë se dhe niveli im është për aktivitet ndërkombëtare sepse në Shqipëri nuk kam konkurrencë . Nuk është ai motivimi i duhur , por që mundohem se dhe me krosin kombëtar që bëmë sot të mbaj veten në formë dhe e shoh dhe si një stërvitje. Në lojërat Olimpike unë tashmë jam e kualifikuar , dhe më duhet patjetër një fazë përgatitore për tu përfaqësuar në mënyrën më të mirë.”
Sekretari i Federatës shqiptare të Atletikës, Nikolin Dionisi tha se atletika po zhvillohet shumë ndonëse prioritet i federatës janë garimi në aktivitetet ndërkombëtare.
SEKRETAR I PËRGJITHSHËM I FSHA
”Këtë sezon kemi shumë aktivitet ndërkombëtare. Do të marrim pjesë në kampionatin ballkanik, kampionatin europian dhe shpresojmë që të kurorëzohet dhe me lojërat olimpike Tokio 2021.”
Kampionati i parë kombëtar për meshkuj në atletikë u mbajt për herë të parë në vitin 1929 në Tiranë.
