Prokuroria e Krimeve të Rënda shpërndau një njoftim zyrtar mbi rastin e një skandali në prokurorinë e Tiranës ku një prokuror dhe një avokat kërkuan para ndaj një klienti në kërkim të ndryshimit të akuzës.
Krimet e Rënda bënë të ditur se në kuadër të operacionit “Ndërmjetësi” janë ekzekutuar masat e sigurisë “Arrest me burg” për 3 shtetas.
– Donata Lepenica, 57 vjeçe banuese në Tiranë (avokate private në qytetin e Tiranës )
– Yzeir Bala, 32 vjeç, banues në Tiranë
– Megi Naksi, 31 vjeçe, banuese në Tiranë
Vepra penale në ngarkim të tyre është “Korrupsioni aktiv i Gjyqtarit, Prokurorit dhe funksionarëve të tjerë të drejtësisë e kryer në bashkëpunim”.
Policia e Tiranës nën drejtimin e Prokurorisë për Krimet e Rënda Tiranë vijon hetimet për identifikimin e personave të tjerë të përfshirë në këtë veprimtari kriminale.
Per kete skandal ne prokurorine e rrethit gjyqesor Tirane, eshte dhene masa administrative pezullim nga detyra per prokurorin Perparim Hasa.
