Reshjet e ditëve të fundit kanë sjellë një përmirësim të situatës hidrike në vend, duke lehtësuar edhe kompanitë energjetike.
Fierza ka arritur në nivelin e 273 metrave dhe sipas të dhënave KESH por përdor dy hecet e tjera, Vaun e Dejës dhe atë të Komanit, për prodhimin e energjisë.
Paralelisht me këtë situatë kompania e shpërndarjes së energjisë ka anuluar kontratat për importin e muajit dhjetor, pasi furnizimi po përballohet nga prodhimi vendas.
Ndërkohë 30 % e konsumit të energjisë po përballohet edhe nga hidrocentralet private.
Situata financiare e kompanisë OSHEE mbete kritike, pasi i gjithë fondi për blerje energjie prej 120 mln eurosh është harxhuar për shkak të një viti të thatë që ka karakterizuar kryesisht 9-mujorin.
Si të mos mjaftonte kjo gjendje kritike e financave, OSHEE nuk ka ende një vendimmarrje se si do të veprohet me familjet, banesat e të cilëve janë prishur nga tërmeti i 26 nëntorit: nuk dihet nëse do të falet fatura e muajit nëntor apo do të nisë prishjen e kontratës për të gjitha shtëpitë e dëmtuara.
Kjo vendimmarrje kërkon jo vetëm atë të këshillit mbikëqyrës së OSHEE por edhe të entit rregullator.