Premier League i ka dhënë fund dominimit 9 vjecar të kampionatit spanjoll si më i forti në të gjithë Europën. Sipas klasifikimit të fundit të publikuar nga Uefa , anglezët kryesojnë listën si liga më e mirë, duke marrë kështu për herë të parë që nga viti 2012 kryesimin.
Sipas mediave të huaja , një nga arsyet kryesore të këtij klasifikimi është suksesi i klubeve angleze në arenën europiane. Chelsea barazoi 1-1 ndaj Real Madrid , në takimin e parë të vlefshëm për gjysmënfianlen e Champions League ,City fitoi përballë gjigandëve të Parisit ndërsa Manchester United siguroi dje një sukses mëse të merituar në Europa League ndaj Romës që i dha pikët e mjaftueshëm anglezëve për të kapërcyer gjigandët e spanjës.
Kështu në renditjen zyrtare , Premier League pozicionohet e para me koeficientin 99 ndjekur nga Spanja, Italia dhe Gjermania. Sa i përket kampionatit shqiptar , mbetet në vendin e 41 me koficentin 7.250 . Kurse Kosova është ngjitur në vendin e 48.
Ndërkaq Uefa ka publikuar dhe klasifikimin për skuadrat më të forta në Europë ku kampionët e Gjermanisë, Bayern Mynihut vijojnë të ruajnë fronin në vendin e parë, ndjekur nga Real Madrid dhe Manchester City që ka një ngjitje në renditje krahasuar me listën e vjetër.
Ndërkaq nga Shqipëria renditet i pari Kukësi në vendin e 194 , pas tij Partizani dhe më pas Laci e Skënderbeu. Ndërsa Teuta dhe Tirana klasifikohen në vendin e 338 me pikë të barabarta.