Analiza e PD për zgjedhjet/ Drejtuesit politikë përplasen me Bardhin: S’pasqyron realitetin
Kryesia e Partisë Demokratike ka nisur analizën e humbjes së zgjedhjeve të 25 prillit.
Sekretari i Përgjithshëm, Gazment Bardhi ka hartuar një dokument për rezultatin e zgjedhjeve, ku bie në sy se, sipas tij, Partia Demokratike ka arritur pothuaj rezultatin e zgjedhjeve të vitit 2009.
Sipas këtij dokumenti, qarqet që kanë dalë më mirë në zgjedhje janë Kukësi, Dibra dhe Elbasani.
Por, dokumenti i hartuar nga Bardhi është kundërshtuar që në fillim të mbledhjes.
Dy nënkryetarët e partisë, Edi Paloka dhe Edmond Spaho kanë kërkuar që dokumenti i analizës të ndryshohet se nuk përputhet me realitetin.
“Në raport Bardhi thotë që Korça nuk ka dalë brenda pritshmërive. Unë kam marrë rezultatin më të mirë. Kam pasur objektiv 5 mandate dhe kam fituar 5 mandate”, u shpreh Spaho.
Nga ana tjetër, Edi Paloka e quan jorealiste pasyrimin e konkluzioneve, ndërsa ka kërkuar ndryshimin e dokumentit.
“Analiza nuk është realiste dhe nuk pasqyron atë që drejtuesit politikë kanë shkruar në raportet e tyre. Nuk mund ta miratojmë në këtë mënyre si është hartuar, dokumenti duhet të ndryshojë.”
