E hënë, 16 Nëntor 2026 Film TV deri në 03:00 Në vijim ora 03:00: Lajmet e Fundit Reklamo Kontakt Karriera
Vizion Plus
Vendi

Aksident në aksin Gjirokastër-Kakavijë, makina përplaset me motoçikletën, plagoset drejtuesi i motorit

Një aksident rrugor është regjistruar paraditen e sotme në aksin kombëtar Gjirokastër-Kakavijë, në afërsi të fshatit Haskovë, në Dropull.

Një automjet dhe një motoçikletë janë përplasur me njëri-tjetrin, si pasojë e të cilit ka mbetur i plagosur drejtuesi i motorit.

I lënduari është transportuar me urgjencë në Spitalin Rajonal të Gjirokastrës, ku ka marrë ndihmën e nevojshme mjekësore. Sipas bluzave të bardha, gjendja e tij shëndetësore është jashtë rrezikut për jetën.

Në vendngjarje kanë mbërritur forcat e policisë, të cilat po kryejnë hetimet për të zbardhur shkaqet dhe rrethanat e aksidentit.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.