Në kuadër të diskutimit për bojkotin e pedagogëve dhe kërkesat ndaj qeverisë ,pedagogu Erison Karamani tha se universitetet shqiptare janë në kushte të ‘mjerueshme’.
Në studion e “Quo Vadis” ai u shpreh se në zyrën e tij mungon edhe boja e printerit.
Për sa i përket fondeve nga BE, Karamani tha se është e pamundur të fitosh kur në konkurencë janë universitete me infrastrukturë shumë më të zhvilluar se Shqipëria.
“Kur ti nuk ke infrastrukturë në universitet, edhe nëse ti përpiqesh të thithësh fonde nga BE, duhet të marrësh parasysh që aplikojnë nga universitetet më të mirë në Europë.
Unë në zyrën time nuk kam bojë printeri. Nëse unë dua të printoj një fletë duhet të shkojë te printëri i lagjes. Ti pret nga unë që të jem i aftë të përfitoj fonde nga BE për të cilat ka shumë aplikantë dhe të cilët kanë kushte që ne as nuk i imagjoinojmë të punojmë. Dhe ata kur vijnë këtu mbeten të çuditur se si ne arrijmë të kemi e vazhdojmë të bëjmë publikime edhe në këto kushte.”
