Drejtuesi i Prokurorisë së Posaçme kundër krimit të organizuar dhe korrupsionit Arben Kraja ka shmangur çdo koment për hetimin e zyrtareve te larte gjate raportimit në Këshillin Kombëtar të Integrimit.
Ai ka paraqitur si mburojë ligjin përballë pyetjeve të mazhorancës dhe opozitës për hetimin e 21 janarit, Gërdecit, personave të shpallur ‘non grata’ apo edhe çështjes se inceneratorëve. Por nga ana tjeter drejtuesi i SPAK deklaroi se në 80% të çështjeve që prokurorët kanë në dorë, personat nuk e dinë që janë nën hetim.
ARBEN KRAJA
DREJTUES I SPAK“Unë nuk do të jap asnjë përgjigje për pyetjet konkrete , rreth individëve që mund të jenë në hetim dhe as do jap opinion për çështjet që më kërkuat. Kjo është e shkruar në ligjin që keni votuar ju, dhe unë do të zbatoj ligjin.”
Por nga ana tjetër, Kraja i ka dhënë përgjigje shqetësimit pse magjistratët e shkarkuar nga vetingu nuk janë nën hetim.
“Vetingu nuk ka paraqitur kallëzim penal, po kështu as ILDKP. Në SPAK janë dënuar një gjyqtare dhe dy prokurorë. Janë në hetim 3 ish-gjyqtarë të gjykatës së lartë dhe dy të Gjykatës Kushtetuese.”
Mbledhja e këshillit u shoqërua me debate mes mazhorancës dhe opozitës në lidhje me ngjarjet e bujshme që sipas tyre kanë nevojë për hetim.
TAULANT BALLA
KRYETAR I GRUPIT PARLAMENTAR, PS
“Cfarë opinioni ka prokuroria shqiptare për ‘non gratën’. SHBA kanë përcaktuar Sali Berishën “non grata”.
JORIDA TABAKU
KRYETARE E KESHILLIT KOMBETAR TE INTEGRIMIT
“Unë shpresoja që të njëjtat mendime t’i ndanit edhe për ish-deputetët e Partisë Socialiste që janë shpallur ‘non grata’. Dhe bëhet fjalë për krime zgjedhore. Ndaj ju ftoj që thirrjen SPAK t’ia bëni edhe për ato.”
Prej javësh shumica i ka bërë apel SPAK-ut të nisë hetimet ndaj dy prej figurave më të rëndësishme të opozitës Sali Berishës e Ilir Metës, por opozita i ka interpretuar këto apele si presion ndaj prokurorisë për të hequr dorë nga hetimi për inceneratorët.
