Ndahet nga jeta ish-ambasadori i BE në Shqipëri, Helmut Lohan.
Njoftimi për vdekjen e tij është konfirmuar nga delegacioni i BE në Shqipëri ku në një postim në mediat sociale shkruajnë se Lohan është larguar nga kjo botë.
“Delegacioni i BE-së është thellësisht i pikëlluar dhe i tronditur nga ndarja nga jeta e ish-ambasadorit Helmut Lohan. Ne kemi humbur një koleg, mik dhe një avokat të përkushtuar për të ardhmen e Shqipërisë në BE. Mendimet tona dhe keqardhje e thellë për familjen e tij”.
Mësazh ngushëllimi gjithashtu ka shkruar edhe ish-ministri I Punëve të Jashtme Ditmir Bushati, ku shpreh keqardhje për ndarjen nga jeta të të Lohan.
“Me keqardhje mësova për ndarjen nga jeta të ish Ambasadorit të Bashkimit Europian në Shqipëri, Helmuth Lohan. Përveç se një mik i çmuar, Helmuth Lohan ishte një burrë i përkorë dhe njohës i shkëlqyer i makinerisë e burokracisë europiane. Vitet e shërbimit të tij në Shqipëri përkojnë me përpjekjet tona për të hedhur hapin e parë, atë të aplikimit për anëtarësim në Bashkimin Europian”.
Ndërkohë kujtojmë se ish-ambasadori Lohan ka shërbyer si diplomat në Shqipëri në vitin 2010.
