Gruaja 73-vjeçare e prekur me koronavirus në Durrës ishte planifikuar të nisej këtë të mërkurëme urgjencë drejt Spitalit Infektiv në Tiranë.
Por gjendja e saj e rëndë shëndetësore detyroi mjekët që ta kthenin mbrapsht. Ajo u nxor deri jashtë ambienteve të Spitalit të Durrësit dhe teksa po bëhej gati të futej në ambulancë, u kthye mbrapsht në spital.
Mbrëmjen e të martës ajo u fut në reanimacion në Spitalin e Durrësit pasi pati tension të lartë dhe u mbajt nën survejencën e mjekëve.
Prej 6 ditësh 73-vjeçarja qëndroi në Spitalin e Durrësit ku po mjekohej për pneumoni. Ajo u zbulua se kishte koronavirus vetëm pasi u tha mjekëve se kishte qenë në Itali për një ditë.
Ndërkohë situata paraqitet e rëndë pasi katër mjekë dhe inferimerë të Infektivit në Durrës janë vetëkarantinuar gjatë ditës së sotme pasi ishin të ekzpouar gjatë kurimit të 73-vjeçares.
