75 minuta nga Miloti në Fier/ Ja sa do të paguajmë për të kaluar në rrugën e re
Brenda 2020 angazhimi i qeverisë është të nënshkruajë kontratën për ndërtimin e rrugës kombëtare Milot- Fier. Gara për ndërtimin e 115 kilometrave, pjesë e “Korridorit Blu” me koncesion është hapur.
Kostoja është 1,2 miliardë euro dhe parashikimi është që në 2026 i gjithë segmenti që lidh veriun me jugun e Shqipërisë të bëhet i shfrytëzueshëm nga drejtuesit e mjeteve. Garancia financiare që do të japë shteti në këtë projekt të infrastrukturës do të jetë:
Milot Fier do të jetë me pagesë. Për ta përshkuar atë të gjithë një drejtues do të paguajë 8.5 euro. Koha e udhëtimit reduktohet në 75 minuta.
Nga përllogaritjet rezulton se efekti në ekonomi do të jetë 1.4 miliardë euro dhe me një numër të punësuarish deri në 22 mijë. Në prezantimin e projektit të radhës në infrastrukturë, kryeministri Edi Rama akuzoi të gjitha qeveritë paraardhëse se në 27 vite nisën por nuk përfunduan asnjë rrugë. Madje kreu i qeverisë hodhi dorashkën e sfidës për të gjetur një të tillë, pasi u shpreh i bindur se volumi i punëve të tij në instruktuarën rrugore është më i madh.
Deri në fillimin e 2021, që përkon edhe me vitin elektoral, kryeministri është angazhuar për të hapur kantieret apo për të nënshkruar kontratat e ndërtimit për hidrocentralin e Skavicës, tunelin e Llogorasë, segmentin Milot Fier dhe së fundmi ndërtimin e rrugës Shëngjin Velipojë.
