Teksa festa e nënës po afronte, një 33-vjeçare nga Egjipti ishte e zënë duke menduar për dhuratën për nënë e saj 69-vjeçare.
Ajo nuk e dinte se në vend që t’i jepte dhuratën, do ta varroste. Nënan e saj ishte një ndër 10 vdekjet e para të koronavirusit në Egjipt.
Edhe pse nëna e saj kishte qenë e dobët për një javë, 33-vjeçarja kurrë nuk mendoi se do të ishte fundi. Ajo kujton se u rrëzua kur dëgjoi lajmin për ndarjen e saj nga jeta.
“Unë i thashë vëllait tim se po gënjen. Ai më tha më herët se ajo po bëhej më mirë. Ne shpresonim që ajo do të kthehej në shtëpi për ditëlindjen e saj në prill. Ajo u shtrua në spital disa ditë para Ditës së Nënës. Ne do të kombinonim të dy festat.”
Nëna e Aya u dërgua në një spital karantinë në rrethin Helëan, në jug të Kajros, një ditë para vdekjes së saj pasi u konfirmua pozitive me COVID-19.
33-vjeçarja jo vetëm nuk i tha dot lamtumirë nënës së saj, por nuk arriti as ta përcillte sipas zakoneve.
Në të njëjtën ditë kur ajo vdiq, të gjitha lutjet dhe predikimet u pezulluan në të gjithë vendin. U urdhëruan të mbyllen të gjitha xhamitë.
Kështu që e reja u gjend e detyruar të kryente lutjet brenda morgut të spitalit.
Procesi i nxjerrjes së trupit të nënës së saj nga spitali zgjati shumë, kështu që ata arritën ta varrosnin natën.
“Shumë pak anëtarë të familjes erdhën. Të gjithë ne kemi veshur maska dhe doreza. Kunata ime mbajti dorën time dhe pëshpëriti: Dua të të përqafoj, por nuk mundem. Vjehrra e vëllait tim u shkatërrua. Por askush nga ne nuk mund të ngushëllonte njëri-tjetrin. Babai im nuk mundi t’i thoshte lamtumirë nënës. Ai mori pjesë në varrim, por ai nuk e kishte parë atë për një javë.”
Pas vdekjes së nënës së saj, babai i 33-vjeçares u pranua në të njëjtin spital karantinë, pasi rezultoi pozitiv me COVID-19.
Babai i saj bëri një rikuperim dhe u kthye në shtëpi fundjavën e kaluar.