AC Milan ka tashme pronar te rinj . 99.93% e aksioneve të kuqezinjve kalojnë nga duart e familjes Singer (pronar i fondit Elliott), te Gerry Cardinale (themeluesi i RedBird).
1.2 miliardë euro është shuma totale e operacionit te transferimit te aksioneve.
Investitorët që kanë lejuar fondin të përfundojë blerjen e Milanit janë të shumtë dhe të shquar: një nga më kryesorët është familja Steinbrenner, pronare e New York Yankees.
Yankee Global Enterprises, thuhet në shënimin e kompanisë, “hyn në një partneritet strategjik dhe fiton aksione të pakicës tek Milan”.
Ndër të tjera, edhe fondi kalifornian Main Street Capital, nga i cili kalojnë paratë e LeBron James. Pjesë e konsorciumit është edhe sipërmarrësi italian Riccardo Silva, i cili ndër të tjera është pronar i Miami FC.
Scaroni duhet të mbetet president, ndërsa Gazidis duket se nuk dëshiron të vazhdojë kontratën e tij që skadon në nëntor. Sigurisht që klubi me pronarin Cardinale dhe aksioneret e tjere do të duhet të përballet me sfida gjithnjë e më ambicioze: të afirmojë markën kuqezi në krye të Evropës, të zgjidhë nyjën e stadiumit të ri dhe te vijoje sukseset me tituj ne Itali.
Gerry Cardinale është fytyra e pronarit të ri dhe ai do të prezantohet në universin e AC Milan në orët e ardhshme .
Ish-bankieri i Goldman Sachs do të jetë në tribunë për të parë ndeshjen e ekipit të tij kundër kushërinjve të Interit diten e shtune per te celebruar edhe starin e punes ne krye te klubit italian me te titulluar ne bote./ Sportmediaset
