Shkarkimi i Oltian Rrumbullukut nga posti i zv.ministrit të Arsimit, teksa fliste në Komision, ka sjellë reagimin e Partia Demokratike.
Deputetja Ina Zhupa, përmes një postimi në “Facebook” shkruan se kjo skenë tregon nivelin e përgjegjshmërisë dhe profesionalizmit të kësaj qeverisje!
“Qeveria e barsaletave! Sot ne komision ne oren 12:00 ministrja e arsimit Kushi u largua se do shkonte ne mbledhje qeverie dhe na la te pergjigjej zevendes ministri Rrumbullaku per pjesen e mbetur. E delegoi ne mbledhje per te na dhene pergjigje para komisionit, nderkohe shkoi ne mbledhje tjeter per ta shkarkuar! Ose ministren e arsimit nuk e pyet njeri dhe as nuk kishte ide qe do e shkarkonin zv.ministrin e saj, ose ajo eshte tallur me parlamentin duke lene ne raportim dike qe ishte ne shkarkim! Te dyja tregojne nivelin e pergjegjshmerise dhe profesionalizmin e kesaj qeverisje!”
