Zjarret vijojnë të jenë aktive në fshatrat Dishnicë dhe Strelcë të qarkut të Korçës, ndërsa përpjekjet për izolimin e flakëve po përballen me vështirësi të mëdha për shkak të terrienit të thepisur, erës së fortë dhe temperaturave të larta, të cilat po ndihmojnë përhapjen me shpejtësi të zjarreve.
Në operacion janë angazhuar 143 forca të shërbimit zjarrfikës dhe 10 mjete, të cilat po punojnë intensivisht për të vënë nën kontroll situatën. Megjithatë, vatra në fshatin Strelcë paraqitet më agresive, kryesisht për shkak të dendësisë së lartë pyjore, që po e bën të vështirë ndërhyrjen nga toka.
Në fshatin Dishnicë, zjarri ka hyrë sot në ditën e gjashtë, por deri më tani nuk është kërkuar ndërhyrje nga ajri, ndonëse situata mbetet e ndërlikuar.
Autoritetet lokale dhe emergjencat civile janë në gatishmëri të shtuar, ndërsa bëjnë apel për kujdes të shtuar nga banorët dhe ndihmë shtesë në përballimin e flakëve që kërcënojnë zonat pyjore dhe banesat përreth.
/viziopnplus.tv
