Një vatër zjarri është shfaqur pasditen e kësaj të diele në një sipërfaqe pyjore me bimësi të ulët mbi fshatin Dishnicë, në njësinë administrative Voskop.
Menjëherë pas sinjalizimit, forca të shumta zjarrfikëse të Bashkisë Korçë, në bashkëpunim me ndërmarrjen e shërbimeve publike, Drejtorinë e Shërbimit Pyjor dhe Emergjencat Civile, kanë zbarkuar në terren për të bërë të mundur izolimin dhe shuarjen e flakëve.
Burime nga vendngjarja bëjnë me dije se dyshohet për zjarrvënie të qëllimshme, ndërsa autoritetet po hetojnë shkaqet dhe rrethanat e ngjarjes.
Forcat zjarrfikëse po përballen me terren të vështirë dhe temperatura të larta, por puna për të vënë nën kontroll zjarrin vijon me intensitet.
/vizionplus.tv
